శతాధిక చిత్రాల దర్శకుడు, అన్నమయ్య, రామదాసువంటి 'కళాఖండాల' సృష్టికర్త కె.రాఘవేంద్రరావు గతంలో ఒకసారి ప్రముఖ నిర్మాత కె.మురారి చెప్పుదెబ్బనుంచి తృటిలో తప్పించుకున్నారట. ఈ వైనాన్ని మురారి ఇవాళ చెన్నైలో స్వయంగా వివరించారు.
చెన్నైలో నివసిస్తున్న మురారి ఇవాళ ఒక పుస్తకావిష్కరణ కార్యక్రమం సందర్భంగా విలేకరులతో ఇష్టాగోష్ఠిగా మాట్లాడుతూ రాఘవేంద్రరావుకు గీతం యూనివర్సిటీ యాజమాన్యం డాక్టరేట్ ప్రదానం చేయనున్నట్లు ప్రకటించడంపై స్పందించారు. సంస్కారహీనుడైన రాఘవేంద్రరావుకు డాక్టరేట్ ఇవ్వటంలో ఔచిత్యమేమిటని ప్రశ్నించారు. గీతం యూనివర్సిటీ డాక్టరేట్లు ప్రకటింటిన ముగ్గురిలో మిగిలిన ఇద్దరి విషయంలో ఎవరూ వేలెత్తి చూపాల్సిన అవసరంలేదని, అయితే రాఘవేంద్రరావుకు ఇవ్వటం సరైన నిర్ణయం కాదని మురారి అన్నారు. గీతం విద్యాసంస్థల వ్యవస్థాపకుడు మూర్తి అంటే తనకెంతో గౌరవం ఉందని చెప్పారు.
ఇక రాఘవేంద్రరావు గురించి చెప్పుకొస్తూ, అతనికి సంస్కారం లేదని, పెద్దలంటే గౌరవంలేదని మురారి అన్నారు. ఒకసారి అతను తమ ఇంటికి వచ్చినపుడు తమ ఇంటి హాల్లో తన తల్లిదండ్రుల ఫోటోను చూశాడని, ఆ ఫోటోలోని తన తల్లిని ఉద్దేశించి ఏమిటి నల్లగా, అంత అసహ్యంగా ఉందని రాఘవేంద్రరావు అన్నాడని మురారి చెప్పారు. ఆ మాటలతో తాను ఒక్కసారిగా దిగ్భ్రాంతికి గురయ్యానని తెలిపారు. తాను తేరుకుని స్పందించేలోపు, రాఘవేంద్రరావు తన భావాలను గమనించి వెంటనే వడివడిగా బయటకెళ్ళిపోయి కారులో ఉడాయించాడని మురారి చెప్పారు. తాను చెప్పుతీసేలోపుగానే ఇదంతా జరిగిపోయిందని తెలిపారు. రాఘవేంద్రరావు తనకు డబ్బలుకూడా ఎగ్గొట్టాడని చెప్పారు. అసిస్టెంట్ డైరెక్టర్లగురించి హేళనగా, చౌకబారుగా వ్యాఖ్యానిస్తాడని అన్నారు. అలాంటి సంస్కారహీనుడికి డాక్టరేట్ ఇవ్వటం ఏవిధంగా సముచితమని ప్రశ్నించారు. మురారి వ్యాఖ్యలపై10టీవీలో వార్తను ఈ లింక్లో చూడొచ్చు. మురారి యథాతథంగా చెప్పినమాటలను ఈ లింక్ లో చూడొచ్చు.
నిజానికి, వివాదరహితుడిగా తన అభిమానులతో, తన వర్గంవారితో కీర్తించబడే రాఘవేంద్రరావు ఖాతాలో ఒకటి రెండు వివాదాలు లేకపోలేదు. సుమారు పదిహేను ఏళ్ళక్రితం ఒక అమ్మాయి వివాదంలో నటుడు రాజశేఖర్ దర్శకేంద్రుడిని ఇంటికెళ్ళిమరీ బట్టలు చిరిగిపోయేవరకు కొట్టటం, అంతకుముందు సిల్క్ స్మితకు ఆయనకు మధ్య గొడవ వంటి 'కొద్ది' వివాదాలుమాత్రమే ఆయన కెరీర్లో ఉన్నాయి. బంజారాహిల్స్ రోడ్ నంబర్2లోని ఆయన మల్టీప్లెక్స్ నిర్మించిన స్థలంపై వివాదం రాజకీయపరమైనది. హైదరాబాద్ లో చలనచిత్ర పరిశ్రమ అభివృద్ధిని ప్రోత్సహించేదిశగా, రికార్డింగ్ ధియేటర్ కోసం నాటి టీడీపీ ప్రభుత్వం కేటాయించిన స్థలంలో మల్టీప్లెక్స్ నిర్మించటంద్వారా రాఘవేంద్రరావు దానిని వాణిజ్య అవసరాలకోసం వాడుకున్నారంటూ కోర్టులో కొందరు కాంగ్రెస్ నాయకులు సవాల్ చేశారు. ఆ రోజుల్లో అసెంబ్లీలో కూడా దానిపై పెద్ద గొడవ జరిగింది.
సీతామాలక్ష్మి, గోరింటాకు వంటి చక్కటి చిత్రాలకు నిర్మాతగా ప్రసిద్ధిగాంచిన మురారి, రాఘవేంద్రరావు దర్శకత్వంలో త్రిశూలం, జానకిరాముడు అనే చిత్రాలను నిర్మించారు.
అయితే, మురారి ప్రస్తావించిన విషయానికి ఇవాళ మెయిన్ స్ట్రీమ్ మీడియాలో పెద్దగా ప్రాధాన్యత లభించకపోవటం కాకతాళీయమో, మరేదైనా మతలబు ఉందో అనేదిమాత్రం తెలియటంలేదు.
***
-పదేళ్ళక్రితం ఒక అమ్మాయి వివాదంలో నటుడు రాజశేఖర్ దర్శకేంద్రుడిని ఇంటికెళ్ళిమరీ బట్టలు చిరిగిపోయేవరకు కొట్టటం
ReplyDelete-నర్తకి సిల్క్ స్మితకు ఆయనకు మధ్య గొడవ
- బంజారాహిల్స్ రోడ్ నంబర్2లోని ఆయన మల్టీప్లెక్స్ నిర్మించిన స్థలంవివాదం
-తన తల్లిని ఉద్దేశించి ఏమిటి నల్లగా, అంత అసహ్యంగా ఉందని రాఘవేంద్రరావు అన్నాడని
-రాఘవేంద్రరావు తనకు డబ్బలుకూడా ఎగ్గొట్టాడని
అత్యంత వివాదరహితుడు అన్న మాట